Trafikalt grunnkurs er starten på trafikkopplæringa og gir deg grunnleggjande forståing av trafikk, samhandling, øvingskøyring, førstehjelp og mørkekøyring.
Det fullstendige kurset består av 17 undervisningstimar, inkludert Trafikant i mørket. Du kan ta kurset på trafikkskule frå du er 15 år.
Tek du grunnkurset i den lyse delen av året, blir Trafikant i mørket gjennomført seinare. Er du 25 år eller eldre, er du fritatt frå sjølve grunnkurset, men førstehjelp og Trafikant i mørket er framleis obligatorisk.
Ta gjerne kontakt dersom du er usikker på kva delar du treng.
